PATASHIKA NGUO KUCHANIKA: AUNT,NICE CHANDE  WATIFUANA KWA MAUSI!

Shostito wa Aunt Ezekiel, Nice Chande.

STAA wa filamu Bongo, Aunt Ezekiel na shostito wake Nice Chande, juzikati walijikuta walitifuana kwa matusi makali ya nguoni nyumbani kwa rafiki yao Wema Sepetu ‘Madam’ anayeishi mtaa wa Bwawani, Kijitonyama jijini Dar es Salaam.Chanzo makini cha habari kilichokuwa nyumbani kwa Wema, kililidokeza gazeti hili kuwa waigizaji hao wakiwa na rafiki yao mwingine, walianza kutukanana kwa jambo ambalo halikuweza kubainika mara moja, huku Madam akijitahidi kuwasuluhisha bila mafanikio.

Wakiwa na dalili zote za kubugia kiburudisho cha kutosha kilichowafanya wasione vibaya kupaza sauti za matusi mbele za watu, marafiki hao walitoka ndani ya nyumba hiyo na kuendelea kutukanana kana kwamba hawana akili nzuri.

Staa wa filamu Bongo, Aunt Ezekiel akipozi.

Baada ya kuona watu wameanza kukusanyika usiku huo ili kushuhudia sinema hiyo, Aunt, Nice na rafiki yao walijipakiza kwenye gari, huku Aunt akiwa nyuma ya usukani na kuanza safari kwa ajili ya kuelekea nyumbani kwake, Mwananyamala, lakini safari yao iliishia hatua chache mbele baada ya dereva huyo kulitumbukiza mtaroni gari hilo.

Kuona hivyo, watatu hao walishuka na kuanza kurudi tena nyumbani kwa Wema, ambaye aliendelea kuwasihi lakini wakiendelea kushambulia kwa maneno makali, kila mmoja akimlaumu mwenzake kuwa ndiye chanzo cha ajali ile.

Kwa pamoja kutoka kulia Aunt Ezekiel,  wema na Nice wakila ujana.

Nyumbani kwa Wema, wasanii hao walimuomba msaidizi wake, Petit Man aende kuwasaidia kulinasua gari hilo mtaroni, kazi ambayo ilifanywa na vijana wa mtaani hapo waliolipwa kiasi cha shilingi 50,000